مہر خبررساں ایجنسی کے مطابق، ایرانی صوبے مشرقی آذربائجان کے دارالحکومت تبریز میں بچوں کے ہسپتال کی خاتون ماہر قلب اور ڈاکٹر فریبرز اکبرزادہ نے ہسپتال میں پہلی مرتبہ بالغ مریضوں کے کامیاب کارڈیک الیکٹروفیزیولوجی آپریشن کا اعلان کیا ہے۔
اس اہم کامیابی کی وضاحت کرتے ہوئے انہوں نے بتایا کہ یہ طبی عمل 6 فروری 2025 کو کامیابی کے ساتھ مکمل کیا گیا، جو اس اسپتال میں جدید طبی خدمات کی ترقی میں ایک سنگ میل ثابت ہوگا۔
کارڈیک ایرتھمیا کی تشخیص اور علاج میں کارڈیک الیکٹروفیزیالوجی کی اہمیت پر روشنی ڈالتے ہوئے ڈاکٹر اکبرزادہ نے مزید کہا کہ یہ جدید طریقہ ہمیں دل کی دھڑکن کی بے ترتیبی کو درست طور پر شناخت کرنے اور بیشتر معاملات میں اوپن سرجری کے بغیر اس کا علاج ممکن بنانے میں مدد دیتا ہے۔
انہوں نے مزید وضاحت کی کہ بچوں کے ہسپتال میں یہ عمل انجام دینا اس بات کا ثبوت ہے کہ طبی خدمات میں وسعت آرہی ہے اور جدید ترین آلات سے استفادہ کیا جارہا ہے، جو مختلف عمر کے مریضوں کے علاج میں معاون ثابت ہوسکتا ہے۔
یہ بات قابل ذکر ہے کہ کارڈیک الیکٹروفزیالوجی دل کی دھڑکن کی بے قاعدگی میں مبتلا مریضوں کے لیے ایک تشخیصی اور علاجی تکنیک ہے، جس میں خطرانات کا امکان کم ہونے کی وجہ سے روایتی علاج کا ایک مؤثر متبادل سمجھا جاتا ہے۔
زہرا مردانی آذر ہسپتال امراض قلب کا ایک نمایاں طبی مرکز ہے۔ ہسپتال نے اس کامیاب آپریشن کے ذریعے یہ ثابت کیا کہ وہ نہ صرف بچوں میں دل کی بیماریوں کا علاج بلکہ بالغ مریضوں کو بھی جدید طبی خدمات فراہم کرنے کی صلاحیت رکھتا ہے۔
18:43 - 2025/02/06
آپ کا تبصرہ