مہر خبررساں ایجنسی کی رپورٹ کے مطابق، ایرانی صدر آیت اللہ رئیسی کے ہیلی کاپٹر کو صوبہ مشرقی آذربائیجان سے واپسی کے دوران حادثہ پیش آنے کے بعد دنیا بھر کے مختلف اداروں اور ممالک کی طرف سے گہرے رنج اور صدمے کا اظہار کیا جارہا ہے۔
یمنی مقاومتی تنظیم انصاراللہ کے ترجمان محمد عبدالسلام نے واقعے پر افسوس کا اظہار کرتے ہوئے کہا ہے کہ صدر رئیسی کے ہیلی کاپٹر کو حادثے کی خبر سن کر بہت صدمہ ہوا۔
انہوں نے کہا کہ مشکل کی اس گھڑی میں یمن ایرانی قوم کے ساتھ ہے۔
انہوں نے امید ظاہر کی کہ صدر رئیسی اور ان کی ٹیم کے ارکان صحیح و سالم واپس لوٹیں گے۔
آپ کا تبصرہ