مہر خبررساں ایجنسی کے مطابق، دمشق میں ایران کے قونصل خانے پر صیہونی رجیم کی حالیہ جارحیت کے جواب میں ایران کی سپاہ پاسداران انقلاب اسلامی کے فوجی ردعمل کے بعد غیر ملکی ذرائع ابلاغ نے ایران کے جوابی حملوں کے عسکری پہلووں جائزہ لیا ہے۔
الجزیرہ نیوز چینل نے اتوار کی صبح ایران کے جوابی حملوں پر چین کے سرکاری اخبار کے تبصرے کی طرف توجہ دلائی کہ اس ملک کے سرکاری ذرائع ابلاغ میں اسرائیل پر ایران کے جوابی حملے کی تزویراتی صلاحیت کی تعریف کی گئی۔
اس رپورٹ کے مطابق پر چین کے سرکاری اخبار "گلوبل ٹائمز" نے دمشق میں ایرانی قونصل خانے پر اسرائیل کے حالیہ حملے پر ایران کے جوابی میزائل اور ڈرون حملے کا تجزیہ کرتے ہوئے لکھا: ایران نے اپنی زبردست حکمت عملی کے ساتھ جوابی میزائل اور ڈرون حملے میں اسرائیل کے فوجی اہداف کو تباہ کر دیا۔
واضح رہے کہ اس سے قبل اسلامی جمہوریہ ایران کی وزارت خارجہ نے 13 اپریل کی شام دمشق میں ملک کے سفارت خانے کے قونصلر سیکشن کی عمارت پر اسرائیل کے میزائل حملے کی مذمت کرتے ہوئے سخت الفاظ میں اعلان کیا کہ اسلامی جمہوریہ ایران کو بین الاقوامی قوانین اور اقوام متحدہ کے چارٹر کے مطابق اس طرح کی دہشت گردانہ کارروائیوں کا فیصلہ کن جواب دینے کا حق حاصل ہے۔
آپ کا تبصرہ