مہر خبررساں ایجنسی نے الجزیرہ کے حوالے سے بتایا ہے کہ صہیونی فوج نے کچھ دیر پہلے ایک بیان جاری کرتے ہوئے جنوبی لبنان کے علاقوں پر اسرائیلی طیاروں کی بمباری کی خبر دی ہے۔
الجزیرہ کے مطابق کے جنوبی لبنان میں زور دار دھماکوں کی آوازیں سنی گئیں۔
فضائی حملوں کے نئے راونڈ میں اسرائیلی جنگی طیاروں نے جنوبی لبنان کے علاقوں نبطیہ، ادشیت، الشہبیہ، السوانح اور جبشیت پر بمباری کی ہے۔
دوسری طرف لبنانی میڈیا کی جانب سے جنوبی لبنان کے مختلف علاقوں پر حملے کے حوالے سے تصاویر بھی شائع کی گئی ہیں۔
ادھر حزب اللہ نے آج مقبوضہ علاقوں کی صفد بستی کے اسرائیلی فوجی ٹھکانوں کو جدید میزائلوں سے نشانہ بنایا جس کے نتیجے میں ایک صیہونی ہلاک اور سات دیگر زخمی ہو گئے۔
آپ کا تبصرہ