مہر خبررساں ایجنسی نے الجزیرہ کے حوالے سے کہا ہے کہ غزہ کے مختلف مقامات پر غاصب صہیونی فورسز اور حماس کے درمیان شدید لڑائی جاری ہے۔
حماس کی ذیلی شاخ القسام بریگیڈز کے ترجمان ابوعبیدہ نے کہا ہے کہ گذشتہ 72 گھنٹوں کے دوران غزہ کے مختلف مقامات پر مجاہدین نے حملہ کرکے دشمن کے 41 دفاعی آلات کو تباہ کرکے شدید نقصان پہنچایا ہے۔
ابوعبیدہ نے کہا کہ ان واقعات کے دوران صہیونی فوج کے 25 سپاہی ہلاک اور درجنوں زخمی ہوگئے ہیں۔
انہوں نے کہا کہ القسام کے مجاہدین نے غزہ کے مختلف علاقوں میں گھس آنے والے صہیونیوں کو بموں اور مارٹر گولوں سے ہدف بنایا۔ بعض مقامات پر تن بہ تن لڑائی ہوئی۔
انہوں نے کہا کہ مجاہدین نے دو سرنگوں اور ایک گھر میں بم نصب کرکے صہیونیوں کو نشانہ بنایا جبکہ فائرنگ کے واقعات میں بھی کئی صہیونی فوجی ہلاک اور زخمی ہوگئے۔
آپ کا تبصرہ