مہر خبررساں ایجنسی نے النشرہ کے حوالے سے خبر دی ہے کہ عبرانی ذرائع نے مقبوضہ علاقوں میں ایک سروے کے نتائج کا اعلان کیا ہے جس کے مطابق لیکود پارٹی کی صورتحال انتہائی افراتفری کی شکار ہے۔
صہیونی روزنامہ معاریو کی طرف سے کئے گئے ایک سروے کے مطابق اگر اس حکومت کے ابتدائی کنیسیٹ کے انتخابات آج کرائے جاتے ہیں تو بینی گانٹز سے وابستہ گروپ کنیسیٹ میں 43 نشستوں پر قابض ہو جائے گا۔ اس رائے شماری کے مطابق اگر انتخابات ابھی کرائے جائیں تو لیکود پارٹی 18 سے زیادہ سیٹیں نہیں جیت سکے گی
نیز صیہونی حکومت کے وزیر خزانہ بیتسلئیل سموٹریچ سے وابستہ جماعت کو اب انتخابات ہونے کی صورت میں بھاری شکست کا سامنا کرنا پڑے گا۔
اس رائے شماری کے مطابق صیہونی حکومت میں حکمران اتحاد کی جماعتیں انتخابات کے انعقاد کی صورت میں اکثریت کھو دیں گی اور حزب اختلاف کی جماعتیں پارلیمانی اکثریت حاصل کر لیں گی۔
اس سروے کے مطابق قبل از وقت انتخابات کی صورت میں اپوزیشن جماعتوں کو 79 نشستیں حاصل ہوں گی اور حکمران جماعتیں مزید 41 نشستیں حاصل نہیں کر پائیں گی۔
یہ سروے غزہ میں عارضی جنگ بندی، اس پٹی کے خلاف صیہونی حکومت کی 49 دن کی جنگ اور وزیر اعظم بنجمن نیتن یاہو کے بھاری حملوں کے بعد کیا گیا ہے۔
