جرمنی، حکومت کے خلاف عوامی مظاہرہ، یوکرائن جنگ کی حمایت ختم کرنے کا مطالبہ، ویڈیو

مہر خبررساں ایجنسی نے روسیا الیوم کے حوالے سے خبر دی ہے کہ جرمنی میں ہزاروں افراد نے برلن میں حکومت کے خلاف مظاہرہ کرتے ہوئے شولاف حکومت سے مطالبہ کیا کہ یوکرائن جنگ کی حمایت ختم کرکے کیف کو اسلحہ اور ہتھیار فراہم کرنے کی پالیسی ختم کرے۔

دائیں بازو کی جماعتوں کی اپیل پر ہونے والے مظاہرے میں عوام کی کثیر تعداد نے شرکت کی۔ مظاہرے میں شریک افراد کا کہنا تھا کہ ہمیں دائیں بازو اور بائیں بازو کی اصطلاحات سے کوئی واسطہ نہیں۔ ہم جمہوریت چاہتے ہیں جوکہ اس ملک میں موجود نہیں ہے۔

شرکاء نے کہا کہ روس، امریکہ اور یوکرائن میں سے کون صحیح ہے اور کون غلط؛ ہمیں اس سے کوئی فرق نہیں پڑتا ہم فقط اتنا جانتے ہیں کہ یہ جنگ جرمنی کے خلاف ہے۔

بعض مظاہرین شولاف حکومت سے مستعفی ہونے کا مطالبہ کررہے تھے۔ مظاہرین حکومت پر کرونا جیسے اہم مسائل سے نمٹنے میں ناکامی کا الزام لگارہے تھے اور نیٹو اور ورلڈ فوڈ آرگنائزیشن جیسے اداروں سے جرمنی کی علیحدگی کا مطالبہ کررہے ت

ھے۔