مہر خبررساں ایجنسی نے جنگ کے حوالے سے نقل کیا ہے کہ پاکستان کے مختلف شہروں میں پیٹرول کی قیمت میں اضافے اور عدم فراہمی پر مشتعل افراد نے متعدد پیٹرول پمپوں دھاوا بول کر توڑ پھوڑ کی،سخی حسن چورنگی کے قریب مشتعل افراد نے ٹائروں سمیت دیگر اشیا کو نذر آتش کر کے ٹریفک معطل کر دیا۔
اطلاعات کے مطابق کراچی کےمختلف علاقوں میں شہریوں کی بڑی تعداد رات بارہ بجے سے قبل پیٹرول کے حصول کے لیے پمپس پر پہنچی تو رش کے باعث انتطامیہ نے پمپ بند کردیئے جس کے باعث شہریوں میں اشتعال پھیل گیا۔
پیٹرول کی عدم دستیابی پراحتجاج کرتے ہوئے مشتعل افراد نے توڑْ پھوڑ اور جلاؤ گھیراؤ کیا، اطلاعات کے مطابق سخی حسن چورنگی سرینہ موبائل مارکیٹ کے قریب مشتعل افراد نےپیٹرول پمپ پر پتھراؤ کیا جس سےڈسپینسر یونٹس کونقصان پہنچاجبکہ سڑک پر ٹائروں اور دیگر اشیا کو نذر آتش کر کے پیٹرول کے قیمتوں کے خلاف احتجاج بھی کیا۔
ادھر پیٹرول کی عدم فراہمی اور قیمتوں کے اضافے پر پرانی سبزی منڈی پر قائم پیٹرول پمپ پر بھی مشتعل افراد نے دھاوا بول کر پتھراؤ کر کے نقصان پہنچایا جبکہ احتجاج کے باعث ٹریفک کی روانی بھی شدید متاثر ہوئی تاہم احتجاج کی اطلاعات پر پولیس کی جانب سے گشت میں اضافہ کر دیا گیاہے ۔
آپ کا تبصرہ