بھارت کے سابق کھلاڑی نے امریکہ میں ماں اور بیوی کو قتل کردیا

مہر خبررساں ایجنسی نے بھارتی ذرائع کے حوالے سے نقل کیا ہے کہ بھارت کے سابق ایتھلیٹ اقبال سنگھ نے امریکہ میں اپنی بوڑھی ماں اور بیوی کو بیدردی سے قتل کردیا۔ بھارتی ایتھلیٹ اقبال سنگھ نے امریکہ میں اپنی بوڑھی ماں اور بیوی کو بیدردی سے قتل کردیا، پولیس نے انھیں گرفتار کرلیا ہے۔ انھوں نے 1983 کی ایشین ایتھلیٹکس چیمپئن شپ کے شارٹ پٹ ایونٹ میں برانز میڈل جیتا تھا۔اقبال سنگھ بوپاری کے ایک دوست کا کہنا تھا کہ مجھے اس خبر پر یقین نہیں آیا کیونکہ وہ کافی دوستانہ مزاج رکھتے جبکہ ان کی والدہ 90 برس سے زائد عمر کی تھیں، اقبال نے خود اپنے بڑے بیٹے کو بتایا کہ میں نے تمھاری ماں اور دادی کو قتل کردیا، پولیس کو فون کرو وہ مجھے لے جائے۔