نیپال میں طوفانی بارشوں اور سیلاب سے 132 افراد ہلاک

مہر خبررساں ایجنسی کی رپورٹ کے مطابق نیپال میں طوفانی بارشوں اور سیلاب نے تباہی مچا دی ہے جس کے نتیجے میں 132 افراد ہلاک اور سیکڑوں افراد زخمی اور لاپتہ ہوگئے ہیں۔ نیپال میں طوفانی بارشوں سے لینڈ سلائیڈنگ کا سلسلہ جاری ہے جبکہ مواصلاتی نظام بھی بری طرح متاثر ہوا ہے۔ فصلیں تباہ اور متعدد مویشی بھی سیلابی پانی میں بہہ گئے ہیں۔ اس وقت نیپال کے بیشتر شہروں کے مختلف علاقے سیلاب کی لپیٹ میں ہیں جبکہ متاثرہ علاقوں میں خوراک کی بھی قلت کا سامنا ہے۔