مہر خبررساں ایجنسی نے جنگ کے حوالے سے نقل کیا ہے کہ پاکستان کے صوبہ پنجاب میں پولیس کے ایک ہزار 69 افسران اور اہلکار کورونا وائرس میں مبتلا ہو چکے ہیں، جن میں سے اب تک 7 اہلکار ہلاک ہوگئے۔ پولیس ترجمان کے مطابق کورونا کے خلاف پولیس فرنٹ لائن فورس ہے اور اب تک ایک ہزار سے زائد افسران اور اہلکار کورونا میں مبتلا ہو چکے ہیں، کورونا سے 7 جوان ہلاک جبکہ 466 افسران اور اہلکار صحت یاب ہو چکے ہیں۔
ترجمان کا کہنا ہے کہ کورونا وبا سے لاہور پولیس کے افسران اور جوان سب سے زیادہ متاثر ہوئے ہیں، جہاں 283 افسران اور اہلکاروں کا کورونا ٹیسٹ مثبت آ چکا ہے۔
آپ کا تبصرہ