مہر خبررساں ایجنسی نے صدارتی سائٹ کے حوالے سے نقل کیا ہے کہ اسلامی جمہوریہ ایران کے صدر حسن روحانی نے کابینہ کے اجلاس میں ایران پر امریکہ کے اقتصادی دباؤ کی ظرفیت کے اختتام کی طرف اشارہ کرتے ہوئے کہا ہے کہ ایرانی قوم کا مستقبل امید افزا ، روشن اور تابناک ہے۔
صدر حسن روحانی نے جرمنی کے وزير خارجہ کے حالیہ دورے کی طرف اشارہ کرتے ہوئے کہا کہ جرمن کے وزير خارجہ نے واضح طور پر کہا ہے کہ امریکہ نے مشترکہ ایٹمی معاہدے سے خارج ہوکر غلط انتخاب کیا ہے ۔ صدر حسن روحانی نے کہا کہ آج امریکہ کے اتحادی ممالک بھی امریکہ کی غلطیوں پر واضی طور پر تنقید کررہے ہیں۔ صدر روحانی نے کہا کہ بیشک ایرانی قوم کے خلاف امریکہ کی اقتصادی دہشت گردی کا سلسلہ بھی ناکام ہوجائے گا۔
آپ کا تبصرہ