مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکہ کے مڈ ٹرم انتخابات پر اثر انداز ہونے کی کوشش کے الزام میں فیس بک کے 30 اور انسٹاگرام کے85 اکاؤنٹس بند کردیئے گئے۔ فیس بک حکام نے کہا کہ امریکہ کے قانون نافذ کرنے والے ادارے نے مشکوک آن لائن سرگرمیوں سے متعلق رابطہ کیا جس پر کارروائی کرتے ہوئے فیس بک کے 30 اور انسٹاگرام کے85 اکاؤنٹس بند کردیئے گئے۔ امریکی سکیورٹی حکام کے مطابق ان اکاؤنٹس کو امریکہ کے باہر سے چلایا جا رہا ہے،بند کئے گئے اکاؤنٹس سے متعلق مزید تحقیقات کی جارہی ہیں۔ واضح رہے امریکی صدر ڈونلڈ ٹرمپ کا مستقبل جاننے کے لیے امریکہ میں وسط مدتی انتخابات کا انعقاد ہوا۔
امریکہ کے مڈ ٹرم انتخابات پر اثر انداز ہونے کی کوشش کے الزام میں فیس بک کے 30 اور انسٹاگرام کے85 اکاؤنٹس بند کردیئے گئے۔
News Code 1885408
آپ کا تبصرہ