برسلز میں حملہ کرنے والا خود کش بمبار یورپین پارلیمنٹ کا ملازم تھا

بیلجئیم کے دارالحکومت برسلز میں حملہ کرنے والا خود کش بمبار یورپین پارلیمنٹ کا ملازم تھا جو کہ وہاں صفائی کا کام کرتا تھا۔

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ بیلجئیم کے دارالحکومت برسلز میں حملہ کرنے والا خود کش بمبار یورپین پارلیمنٹ کا ملازم تھا جو کہ وہاں صفائی کا کام کرتا تھا۔ اطلاعات کے مطابق گزشتہ دنوں برسلز میں حملہ کرنے والا خود کش بمبار یورپین پارلیمنٹ کا ملازم نکلا جو وہاں صفائی ستھرائی کا کام کرتا تھا۔ یورپین پارلیمنٹ کے ترجمان کے مطابق خودکش حملہ آور 2009 سے 2010 کے درمیان پارلیمنٹ میں صفائی ستھرائی کا کام کرتا تھا تاہم وہاں نوکری کے وقت مشتبہ حملہ آورکا کوئی کرمنل ریکارڈ نہیں تھا۔

ذرائع کے مطابق حملہ آورکی شناخت ناجم لاشورائی کے نام سے ہوئی ہے جو برسلز حملوں میں اپنے دوسرے ساتھی  ابراہیم البکروی کے ساتھ شامل تھا جب کہ گزشتہ سال پیرس میں ہونے والے بم دھماکوں میں بھی اس کے ملوث ہونے کے ثبوت ملے تھے۔

واضح رہے کہ 22 مارچ کو بیلجیئم کے دارالحکومت برسلز میں ایئرپورٹ، میٹرواسٹیشن اور شاہی محل کے قریب 4 بم دھماکوں میں 34 افراد ہلاک اور 300 سے زائد زخمی ہوگئے تھے۔

News Code 1863120

لیبلز

آپ کا تبصرہ

You are replying to: .
  • 1 + 3 =