شام کے بارے میں مغربی ممالک کے مؤقف میں بوکھلاہٹ نمایاں

مہر خبررساں ایجنسی نے النشرہ کے حوالے سے نقل کیا ہے کہ شام کے صدر بشار اسد نے کہا ہے کہ اگر شام کے بحران کا باعث میں ہوں تو پھر یمن،عراق اور لیبیا کے بحران کا باعث کون ہے وہاں تو بشار اسد نہیں ہے شام کے بارے میں مغربی ممالک کے مؤقف میں بوکھلاہٹ نمایاں  ہوگئی ہے۔ انھوں نے کہا کہ مغربی ممالک شام کو اسلامی مقاومت سے الگ کرنے میں ناکام ہوگئے ہیں۔ صدر بشار اسد نے کہا کہ مغربی ممالک اب دہشت گردوں کی حمایت کا تاوان ادا کررہے ہیں ۔ بشار اسد نے روس کے حملوں کے بارے میں کہا کہ روس صرف دہشت گردوں کے ٹھکانوں پر ہوائی حملے کررہا ہے اور ہم ہر چیز کا صاف و شفاف اعلان کرتے ہیں۔