مہر خبررساں ایجنسی کی رپورٹ کے مطابق، ایرانی وزارت خارجہ نے تصدیق کی ہے کہ سیکیورٹی الزامات میں گرفتار دو فرانسیسی شہریوں کو ضمانت پر مشروط رہائی دے دی گئی ہے۔
تفصیلات کے مطابق وزارت خارجہ کے ترجمان اسماعیل بقائی نے صحافیوں سے گفتگو کرتے ہوئے کہا کہ دونوں فرانسیسی شہری کچھ عرصے سے سیکیورٹی خدشات کے تحت قید میں تھے، تاہم اب متعلقہ جج کے حکم پر انہیں ضمانت پر رہا کر دیا گیا ہے۔
انہوں نے مزید کہا کہ دونوں افراد عدالتی کارروائی کے اگلے مرحلے تک نگرانی میں رہیں گے اور ان کے خلاف عدالتی عمل بدستور جاری رہے گا۔
آپ کا تبصرہ