جلوہ گر بغداد میں ہیں خود مگر، موسیِ کاظمؑ کی دنیا قُم میں ہے

کیا بتاؤں تم کو میں کیا قُم میں ہے

سب کریموں کی کریمہؑ قُم میں ہے

جلوہ گر بغداد میں ہیں خود مگر

موسیِ کاظمؑ کی دنیا قُم میں ہے

چودہ معصوموںؑ کو جسکا مان ہے

ایسی معصومہؑ کا روضہ قُم میں ہے

سیدہؑ و طاہرہؑ ، اختِ رضاؑ

کنبہِ کاظمؑ کی زہراؑ قُم میں ہے

جائیں گے جس کے وسیلے خلد ہم

عاصیوں کی وہ شفیعہؑ قُم میں ہے

دیکھنا جس کو ہے کعبہ دیکھنا

تربتِ زہراؑ کا نقشہ قُم میں ہے

ہے یہاں سے علم کا کوثر رواں

کوثرِ حکمت کی ملکہ قُم میں ہے

علی محمد علوی/پاکستان