غیر معمولی صلاحیت کے حامل افراد ملک کے اہم ترین انسانی اثاثوں میں سے ہیں، رہبر معظم انقلاب اسلامی

رہبر معظم انقلاب اسلامی نے فرمایا آپ غیر معمولی صلاحیت کے حامل نوجوان جہاں کہیں بھی ہوں آپ کی موجودگی امید پیدا کرتی ہے۔

مہر خبررساں ایجنسی کی رپورٹ کے مطابق، غیر معمولی علمی صلاحیتوں کے حامل نوجوانوں کے ایک گروپ نے آج (بدھ) صبح حسینیہ امام خمینی (رہ) تہران میں رہبر معظم انقلاب آیت اللہ العظمی سید علی خامنہ ای سے ملاقات کی۔

رہبر معظم انقلاب نے غیر معمولی صلاحیت رکھنے والوں سے ملاقات میں فرمایا کہ میں خداوند متعال کا بے حد شکر گزار ہوں کہ کورونا کے مسئلے میں نرمی کے بعد یہ شاداب، زندہ اور امید بھرا اجلاس ایک بار پھر تشکیل پایا۔

انہوں نے نوجوانوں سے خاطب کرتے ہوئے کہا کہ واقعی آپ نوجوانوں کی موجودگی، خاص طور پر آپ غیر معمولی صلاحیت رکھنے والے نوجوان، امید خلق کرتے ہیں۔ اس کا مطلب ہے کہ آپ جہاں کہیں بھی ہوں آپ کی موجودگی امید پیدا کرتی ہے۔ اس لیے جو لوگ ملک کی ترقی سے متفق نہیں ہیں وہ جہاں آپ کو موجود ہونا چاہیے وہاں آپ کی موجودگی سے متفق نہیں ہیں۔

رہبر معظم انقلاب نے مزید فرمایا کہ غیر معمولی صلاحیت رکھنے والے افراد ملک کے اہم ترین انسانی اثاثوں میں سے ایک ہیں۔ قدرتی وسائل اہم ہیں، جغرافیائی محل وقوع اہم ہیں، جغرافیائی شکل اہم ہے، یہ سب اہم ہیں لیکن ملک کے اہم ترین انسانی اثاثوں میں سے ایک غیر معمولی صلاحیت رکھنے والے افراد کا وجود ہے۔

انہوں نے مزید کہا کہ ایلیٹ کو بہت بڑی دولت سمجھنا چاہیے۔ جب ہم اسے ایک بہت بڑی دولت سمجھیں گے تو ہم اسے پیدا کرنے کی کوشش کریں گے۔

News Code 1912713

لیبلز

آپ کا تبصرہ

You are replying to: .
  • captcha