مہر خبررساں ایجنسی نے آناتولی کے حوالے سے نقل کیا ہے کہ ترکی میں فوجی ہیلی کاپٹر گر کر تباہ ہونے کے نتیجے میں دو ترک جرنیلوں سمیت 10 فوجی اہل کار ہلاک ہوگئے۔
اطلاعات کے مطابق ترک وزارت دفاع کا کہنا ہے کہ مشرقی ترکی میں ایک فوجی ہیلی کاپٹر گر کر تباہ ہونے سے کور کمانڈر لیفٹیننٹ جنرل عثمان اربس اور ترقی کی قومی پارٹی کے رہنما دیولت باہچلی سمیت دس فوجی اہل کار ہلاک ہوگئے۔
حکام کا کہنا ہے کہ حادثے میں زخمی ہونے والے فوجیوں کو طبی امداد کے لیے اسپتال منتقل کردیا گیا ہے۔
ترکی کی وزارت دفاع کے مطابق 9 فوجی موقع پر ہی ہلاک ہو گئے تھے جبکہ ایک فوجی اسپتال میں چل بسا۔ حادثے میں 3 فوجی زخمی ہوئے ہیں۔
ترک ذرائع کے مطابق جائے حادثہ کا جائزہ لینے کے بعد ابتدائی طور پر معلوم ہوا ہے کہ ہیلی کاپٹر حادثے کا شکار ہوا ہے ۔ حادثے کا شکار ہونے والا ہیلی کاپٹر اُڑان بھرنے کے 30 منٹ بعد رابطے میں نہیں رہا۔
ہیلی کاپٹر کے ساتھ تتوان کے علاقے میں حادثہ پیش آیا ہے جو کہ کرد اکثریتی صوبے بتلیس میں واقع ہے۔ جائے حادثہ اس علاقے میں ہے جہاں ترک فوج کرد کالعدم تنظیم کردستان ورکرز پارٹی(پی کے کے ) کا مقابلہ کررہی ہے۔
آپ کا تبصرہ