رفح پر حملے کی وجہ سے اسرائیل کے ساتھ امن معاہدہ خطرے میں ہے، اعلی مصری عہدیدار

مہر نیوز ایجنسی کے مطابق ، ایک سینئر مصری عہدیدار نے ایسوسی ایٹ پریس کو بتایا کہ مصر نے رفح پر صہیونی حملے کی وجہ سے تل ابیب، واشنگٹن اور یورپی ممالک کو اپنے احتجاج سے آگاہ کیا ہے۔

مصری عہدیدار نے کہا کہ مصر نے متنبہ کیا ہے کہ تل ابیب کے ساتھ امن معاہدہ رفح پر حملے کی وجہ سے خطرے سے دوچار ہے۔

دوسری طرف ، مصری وزیر خارجہ سامح شکری نے کہا: "ہم غزہ میں فوری طور پر جنگ بندی کے حصول اور قیدیوں کے تبادلے کی اہمیت پر زور دیتے ہیں۔

انہوں نے واضح کیا: اسرائیل رفح کراسنگ کی بندش اور غزہ کو انسانی امداد بھیجنے میں تاخیر کا ذمہ دار ہے۔ ہم غزہ کے بحران پر قابو پانے کے لئے آگے بڑھ رہے ہیں اور امریکہ اور قطر کے ساتھ مل کر سنجیدہ کوششیں کی ہیں۔