پاکستان کے وفاقی وزیر کورونا وائرس میں مبتلا ہو گئے

مہر خبررساں ایجنسی نے ایکس پریس کے حوالے سے نقل کیا ہے کہ پاکستان کے وفاقی وزیر منصوبہ بندی اور نیشنل کمانڈ اینڈ آپریشن سینٹر کے سربراہ اسد عمر کورونا وائرس میں مبتلا ہو گئے ہیں، اسد عمر نے کورونا ٹیسٹ مثبت آنے پر خود کو گھر میں آئیسولیٹ کر لیا ہے۔ پاکستان میں کورونا وائرس کیخلاف کام کرنے والے محکمے این سی او سی کے سربراہ وفاقی وزیر اسد عمر کورونا وائرس میں مبتلا ہوگئے۔ سماجی رابطے کی ویب سائٹ پر وفاقی وزیر اسد عمر نے کورونا وائرس کی تصدیق کرتے ہوئے کہا کہ کورونا ٹیسٹ رپورٹ مثبت آنے پر کورونا وائرس کی تشخیص ہوئی جس کے بعد خود کو گھر میں قرنطینہ کر لیا ہے۔