رہبر معظم انقلاب اسلامی کا ڈاکٹروں اور طبی عملہ کی خدمات پر شکریہ

مہر خبررساں ایجنسی کی رپورٹ کے مطابق رہبر معظم انقلاب اسلامی حضرت آیت اللہ العظمی خامنہ ای نے اکیڈمی آف میڈیکل سائنسز کے سربراہ سے ملاقات میں ڈاکٹروں اور طبی عملہ کی معاشرے میں خدمات اور کورونا وائرس سے مقابلہ پر شکریہ ادا کیا۔ رہبر معظم انقلاب اسلامی نے اس ملاقات میں ڈاکٹروں اور طبی عملہ کے اہلکاروں کی خدمات کو گرانقدر قراردیتے ہوئے فرمایا: وزارت صحت میں سرگرم  ڈاکٹروں اور طبی عملہ کی خدمات گرانقدر ہیں اور اللہ تعالی ان کی خدمات پر انھیں اجر و ثواب عطا کرےگا۔ رہبر معظم انقلاب اسلامی نے فرمایا: ڈاکٹروں اور طبی اہلکاروں کی خدمات کی وجہ سے ان کا معاشرے میں مقام مزید بلند و بالا ہوگيا ہے۔