مہر خبررساں ایجنسی کی رپورٹ کے مطابق، جوہری توانائی کے عالمی ادارے دارے آئی اے ای اے کے بورڈ آف گورنرز کی نشست ایران کے حوالے سے کسی ووٹنگ کے بغیر اختتام پذیر ہوگئی۔ اجلاس کا اگلا دور جمعرات کی صبح دوبارہ منعقد کیا جائے گا۔
امریکی روزنامہ وال اسٹریٹ جرنل کے سینئر نامہ نگار لارنس نورمن نے اپنے ایکس اکاؤنٹ پر کہا ہے کہ آج کی رات بورڈ آف گورنرز کے اجلاس میں ایران کے مبینہ عدم تعاون پر ووٹنگ نہیں ہوسکی، اور اجلاس بغیر ووٹنگ ختم ہوگیا۔ کچھ مقررین ابھی باقی ہیں اور اجلاس کل صبح 9:30 بجے دوبارہ شروع ہو گا۔
یاد رہے کہ یورپی الزامات کے برعکس ایرانی حکام مسلسل اس بات پر زور دیتے رہے ہیں کہ ایران کو جوہری عدم پھیلاؤ کے معاہدے کے تحت یورینیم کی افزودگی اور پرامن مقاصد کے لیے جوہری توانائی کے استعمال کا حق ہے، اور ایران اس حق کی پاسداری کرتا رہے گا۔
آپ کا تبصرہ