مہر خبررساں ایجنسی کی رپورٹ کے مطابق، ایران، روس اور چین کے نمائندوں نے ویانا میں ایک سہ فریقی ملاقات کی تاکہ بین الاقوامی ایٹمی توانائی ایجنسی کے بورڈ آف گورنرز کے اجلاس سے قبل مشترکہ پالیسیوں کو ہم آہنگ کیا جاسکے۔
تفصیلات کے مطابق ایران، روس اور چین کے نمائندے جو ویانا میں بین الاقوامی اداروں میں خدمات انجام دے رہے ہیں، نے اس اہم مشاورتی اجلاس میں شرکت کی۔
بین الاقوامی اداروں میں روس کے مستقل مندوب میخائل الیانوف نے ملاقات کے بعد کہا کہ آج چین اور ایران کے مستقل نمائندوں سے ملاقات کی تاکہ آئی اے ای اے بورڈ آف گورنرز کے آئندہ اجلاس سے پہلے اپنی آراء کا تبادلہ کریں۔
انہوں نے اس سہ فریقی مشاورت کو انتہائی مفید قرار دیا اور کہا کہ اس سے تینوں ممالک کے درمیان پالیسیوں کے درمیان ہم آہنگی پیدا کرنے میں مدد ملی ہے۔
آپ کا تبصرہ