پوری دنیا فلسطین کی فتح کو تسلیم کرتی ہے، جنرل حاجی زادہ

مہر خبررساں ایجنسی کے مطابق، سپاہ پاسداران کی فضائیہ کے سربراہ جنرل علی حاجی زادہ نے کہا ہے کہ دنیا صہیونی حکومت پر فلسطین کی جیت کا اعتراف کرتی ہے فلسطینی عوام اور ان کے حامیوں کی استقامت ہی اس کامیابی کی بنیاد بنی۔

انہوں نے مزید کہا کہ اس بار خطے میں جنگ وسیع ہوئی۔ ایران۔ یمن، عراق، اور حزب اللہ لبنان نے بھی اپنی ذمہ داری محسوس کرتے ہوئے اس جنگ میں بھرپور کردار ادا کیا۔

انہوں نے کہا کہ فلسطینی عوام کی مزاحمت نے ثابت کر دیا کہ اگر حقیقی معنوں میں استقامت اور عزم موجود ہو تو کامیابی یقینی ہوتی ہے۔

سردار حاجی زادہ نے کہا کہ آج پوری دنیا یہ تسلیم کر رہی ہے کہ فلسطین فتح یاب ہوا ہے۔ صہیونی حکومت غزہ میں اپنے کسی بھی ہدف کو حاصل کرنے میں کامیاب نہیں ہوئی جبکہ فلسطینی مقاومت کے تمام مقاصد حاصل ہو چکے ہیں جو ایک بڑی کامیابی ہے۔

آخر میں انہوں نے کہا کہ دشمن ہمیشہ حقائق کو مسخ کرنے کی کوشش کرتا ہے اور بعض لوگ اندرون اور بیرون ملک اس پروپیگنڈے کا شکار ہوجاتے ہیں لیکن اب تمام معاملات سب پر واضح ہوچکے ہیں۔