تہران: پینتیسویں بین الاقوامی نمائشگاہ میں روس، یمن اور عراق سمیت ساٹھ غیر ملکی پبلشرز کی شرکت

مہر نیوز کے مطابق، گذشتہ سالوں کی طرح جمعرات کو تہران کے گرینڈ موسیلا کمپاؤنڈ میں منعقد ہونے والی 35ویں تہران بین الاقوامی کتاب نمائشگاہ کے دوسرے دن، عراق کے معروف مطالعاتی مرکز نے بک اسٹال لگایا۔ 

عراق کا یہ مطالعاتی مرکز اس ملک کے قدیم ترین تحقیقی مراکز میں سے ایک ہے جو عراق کے خارجہ تعلقات اور عراقی معاشرے میں سائنسی ضروریات سمیت مختلف شعبوں میں 184 سے زیادہ سائنسی کتابیں شائع کرنے میں کامیاب رہا ہے۔ 

مہر نیوز کے نامہ نگار نے بتایا ہے کہ شہید جنرل قاسم سلیمانی اور فلسطینی مزاحمت کے طوفان الاقصیٰ آپریشن کی تصاویر اس اسٹال پر موجود عراقی کتابوں کے سرورق پر دیکھی جا سکتی ہیں۔

مزید برآں، اس نمائش گاہ میں شائقین روسی کتابوں کے خصوصی اسٹال پر لگی نئی روسی کتابوں اور ہم عصر روسی مصنفین سے واقف ہوں گے۔

اس نمائش گاہ میں جمعرات کی صبح ایک پروقار تقریب میں یمن کا بک اسٹال کھولا گیا جس میں ایران کے وزیر ثقافت مہدی اسماعیلی اور نمائش گاہ کے چیئرمین یاسر احمدوند نے شرکت کی۔
قابل ذکر ہے کہ اس سال، پینتیسویں تہران بین الاقوامی بک فئیر میں ساٹھ سے زائد غیر ملکی پبلشرز حصہ لے رہے ہیں۔