مہر خبررساں ایجنسی نے فلسطینی ذرائع ابلاغ کے حوالے سے کہا ہے کہ غزہ کےمختلف علاقوں میں صہیونی فورسز کے وحشیانہ حملے جاری ہیں۔
تفصیلات کے مطابق اسرائیلی فوج نے رفح اور دیگر شہروں پر حملے کرکے درجنوں فلسطینی نہتے شہریوں کو شہید اور متعدد کو زخمی کردیا ہے۔
صہیونی حملوں میں شہید اور زخمی ہونے والوں کی تعداد میں مسلسل اضافہ ہورہا ہے۔ فلسطینی ذرائع کے مطابق طوفان الاقصی کے بعد اسرائیلی وحشیانہ حملوں کے نتیجے میں اب تک مجموعی طور پر 27 ہزار 708 فلسطینی شہید اور 67 ہزار سے زائد زخمی ہوگئے ہیں۔ شہید اور زخمی ہونے والوں میں خواتین اور معصوم بچوں کی بھی بڑی تعداد شامل ہے۔
صہیونی فورسز فلسطینی شہروں پر حملوں کے ساتھ امدادی اداروں کو بھی متاثرین کی مدد سے روک رہی ہیں۔ اقوام متحدہ کے ادارے انروا کے مطابق ادارے کے 22 میں سے صرف 4 مراکز فعال ہیں۔ اسرائیلی بمباری کی وجہ سے باقی مراکز اپنی فعالیت جاری رکھنے سے معذور ہیں۔
آپ کا تبصرہ