پاکستانی وزیراعظم سے چین کے سفیر نونگ رونگ کی ملاقات

مہر خبررساں ایجنسی نے پاکستانی میڈیا سے نقل کیاہے کہ اسلام آباد میں پاکستان کے وزیراعظم شہباز شریف سے چین کے سفیر نونگ رونگ نے ملاقات کی اور چینی صدر و وزیر اعظم کے تعزیت اور ہمدردی کے پیغامات پہنچائے۔

پاکستانی وزیراعظم شہباز شریف نے چین کی جانب سے سیلاب متاثرین کیلئے امدادی سامان بھجوانے، چینی صدر اور وزیراعظم کے تعزیت اور ہمدردی کے پیغامات پر اظہار تشکر کیا ہے۔

اس موقع پر شہباز شریف نے کہا کہ سیلاب زدگان کے لیے امداد کی فوری فراہمی پر حکومت پاکستان اور عوام تہہ دل سے مشکور ہیں۔

واضح رہے کہ چین نے سیلاب متاثرین کیلئے 25 ہزار خیموں سمیت امداد کو 400 ملین یوآن تک بڑھا دیا ہے۔