کشمیر میں کلاؤڈ برسٹ نے تباہی مچادی

 مہر نیوز ایجنسی نے بھارتی میڈیا سے نقل کیا ہے کہ ہندوستان کے زیر انتظام کشمیر کے علاقے امر ناتھ میں بادل پھٹنے کے نتیجے میں ہونے والی تباہ کن بارش میں 16 افراد ہلاک اور 40 لاپتہ ہوگئے جن میں زیادہ تر ہندوؤں کے مقدس مقام کی زیارت کے لیے آنے والے یاتری شامل ہیں۔

 رپورٹ کے مطابق، کشمیر میں ہندوؤں کے مقدس مقام امرناتھ میں ہونے والے تہوار میں شرکت کے لیے بھارت بھر سے ہزاروں یاتری پہنچے تھے تاہم بادل پھٹنے (کلاؤڈ بلاسٹ) کے نتیجے میں ہونے والی ہلاکت خیز بارش سے ڈیم ٹوٹ گئے اور سیلابی ریلہ پیدا ہوگیا۔

سیلابی ریلے نے اپنے راستے میں آنے والی ہر چیز کو تہس نہس کر کے رکھ دیا اور اپنے ساتھ درجنوں یاتریوں کو بہا لے لیا گیا۔ امدادی کاموں کے دوران 16 افراد کی لاشیں نکالی گئی ہیں جب کہ 40 لاپتہ ہیں جن کی تلاش کے لیے ریسکیو آپریشن جاری ہے۔

ریسکیو کے دوران 15 ہزار یاتریوں کو امرناتھ کے مقدس غار سے محفوظ مقام پر منتقل کیا گیا ہے جب کہ زخمیوں کو بلتل کے اسپتال پہنچایا گیا ہے۔ زخمیوں کی حالت خطرے سے باہر ہے۔ علاقے میں اب بھی بارشوں کا سلسلہ جاری ہے۔