امریکی صدر جوبائیڈن نے11ستمبر سے متعلق خفیہ دستاویزات جاری کرنے کاحکم دے دیا

امریکی صدر جوبائیڈن نے11ستمبر2001 کو ورلڈ ٹریڈسینٹر پر ہونے والے حملوں سے متعلق خفیہ دستاویزات جاری کرنے کاحکم دے دیا ہے۔

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی صدر جوبائیڈن نے11ستمبر2001 کو ورلڈ ٹریڈسینٹر پر ہونے والے حملوں سے متعلق خفیہ دستاویزات جاری کرنے کاحکم دے دیا ہے۔ امریکی صدر کی جانب سے حکومتی تحقیقات کی خفیہ دستاویزات اگلے 6 ماہ میں جاری کرنے کے حکم نامے پردستخط کردیئے گئے ہیں۔اس حوالے سے اپنے ایک بیان میں صدر بائیڈن نے تاکید کی کہ محکمہ انصاف اور دیگر ایجنسیاں دستاویزات جاری کرنے کے جائزے کی نگرانی کریں۔

ان کا کہنا تھا ہمیں2977 بیگناہ لوگوں کے خاندانوں کے دردکو نہیں بھولنا چاہیے۔ یہ لوگ امریکہ کی تاریخ کے بدترین دہشتگرد حملے میں مارے گئے ہیں۔ایگزیکٹو آرڈر محکمہ انصاف اور دیگر متعلقہ ایجنسیوں کو ہدایت کرتا ہے کہ وہ ایف بی آئی کی11ستمبرکی تحقیقات سے متعلق دستاویزات کے ڈی کلاسیفیکیشن ریویوکی نگرانی کریں۔ واضح رہے کہ ورلڈ ٹریڈ سینٹر میں حملہ کرنے والے 19 دہشت گردوں میں سے 15 کا تعلق سعودی عرب سے تھا۔ سعودی عرب اب تک 11 ستمبر سے متعلق خفیہ دستاویزات کو منظر عام پر لانے کی مخآلفت کرتا رہا ہے۔

News Code 1908047

لیبلز

آپ کا تبصرہ

You are replying to: .
  • 3 + 5 =