بھارت کے سابق وزیر اعظم کورونا وائرس میں مبتلا ہوگئے

بھارت کے سابق وزیراعظم ڈاکٹر منموہن سنگھ کورونا وائرس میں مبتلا ہوگئے ہیں جس کے بعد پیر کے دن انھیں آل انڈیا انسٹیٹوٹ آف میڈیکل سائنسسز دہلی میں داخل کروادیا گیا ہے۔

مہر خبررساں ایجنسی نے بھارتی ذرائع کے حوالے سے نقل کیا ہے کہ بھارت کے سابق وزیراعظم ڈاکٹر منموہن سنگھ کورونا وائرس میں مبتلا ہوگئے ہیں جس کے بعد پیر کے دن انھیں آل انڈیا انسٹیٹوٹ آف میڈیکل سائنسسز دہلی میں داخل کروادیا گیا ہے۔ بھارت کے سابق وزیر اعظم ، 88  سالہ کانگریس پارٹی کے رہنما اور معروف ماہر معاشیات ڈاکٹر من موہن سنگھ کا اس وقت اسپشلسٹ ڈاکٹروں کی ایک ٹیم علاج کر رہی ہے اور انکی صحت کا جائزہ لے رہی ہے۔

صورتحال سے آگاہ افراد کا کہنا ہے سابق وزیراعظم کی کیفیت بہتر ہے۔ اس سے قبل ہفتے کو ڈاکٹر من موہن سنگھ نے کانگریس ورکنگ کمیٹی کے اجلاس میں شرکت کی تھی۔

انھوں نے اجلاس میں شرکت کے موقع پر بھارتی وزیراعظم نریندرا مودی کو ایک خط بھی تحریر کیا، جس میں انھوں نے کورونا وائرس کا پھیلائو روکنے کے لیے پانچ نکاتی حکمت عملی تجویز کی تھی۔

News Code 1906174

لیبلز

آپ کا تبصرہ

You are replying to: .
  • 6 + 12 =