پاکستان کے شہر راولپنڈی کی اڈیالہ جیل توڑنے کی سازش ناکام

پاکستانی سکیورٹی فورسز نےاولپنڈی میں اڈیالہ سینڑل جیل کی سلاخیں کاٹ کر جیل توڑنے کی سازش ناکام بنادی ۔

مہر خبررساں ایجنسی نے ایکس پریس کے حوالے سے نقل کیا ہے کہ پاکستانی سکیورٹی فورسز نےاولپنڈی میں اڈیالہ سینڑل جیل کی سلاخیں کاٹ کر جیل توڑنے کی سازش ناکام بنادی ۔ سینڑل جیل اڈیالہ راولپنڈی جہاں سنگین مقدمات میں ملوث قیدی اور حوالاتی اسیر ہیں، قیدیوں سے ملاقات کے آنے والے لوگوں کے ملنے کا سلسلہ جاری  تھا کہ خالد خان نامی قیدی سے ملاقات کے لیے اس کا سوتیلا بیٹا امان عباسی جیل پہنچا ۔

امان عباسی نے قیدی کے لیے لایا جانے والا کھانا اور دیگر سامان بھی جمع کرایا جس کی  چیکنگ کے دوران پکے ہوئے چاولوں سے لوہا وسلاخیں کاٹنے کے لیے استعمال ہونے والی آری کا تیز دھار بلیڈ برآمد ہوا جس پر ملاقاتی کو قابو کرکے پولیس کے حوالے کردیا۔

اسٹنٹ سپریٹنڈنٹ اڈیالہ جیل ثاقب امین کا کہنا تھا کہ آری کا تیز دھار بلیڈ جیل کے اندر کسی بڑے واقعہ کا سبب بن سکتا تھا۔ ایس ایچ او صدر بیرونی نے ملزم کے خلاف مقدمہ درج کرتے ہوئے کہا کہ ملزم کا سوتیلا والد منشیات کے مقدمے میں جیل میں قید ہے۔

News Code 1905269

لیبلز

آپ کا تبصرہ

You are replying to: .
  • 2 + 3 =