پاکستان میں کورونا وائرس سے اب تک 197 افراد ہلاک

مہر خبررساں ایجنسی نے ڈان کے حوالے سے نقل کیا ہے کہ پاکستان میں کورونا وائرس کے نئے کیسز میں تیزی کے بعد متاثرین کی تعداد 9 ہزار 505 جبکہ اموات 197 تک پہنچ چکی ہیں۔ اطلاعات کے مطابق پاکستان میں گزشتہ 2 سے 3 روز میں نہ صرف کیسز بلکہ اموات میں اچانک اضافہ ہوگیا۔ اگرچہ اس وائرس کے پھیلاؤ کو روکنے کے لیے ملکی سطح پر مختلف پابندیاں اور جزوی لاک ڈاؤن نافذ ہے تاہم اس کے باوجود روزانہ ایسی تصاویر اور ویڈیوز سامنے آتی ہیں جس میں حکومتی ہدایات کی خلاف ورزی کی جارہی ہوتی ہے۔ پاکستانی ذرائع کے مطابق تبلیغی جماعت کے کارکنوں نے پاکستان میں کورونا وائرس پھیلانے میں اساسی کردار ادا کیا ہے تبلیغی جماعت کے بہت سے کارکنوں اس موذی وائرس سے ہلاک ہوگئے ہیں جبکہ سیکڑوں کی تعداد میں اس بیماری میں مبتلا ہیں۔