ایران کی کشمیر میں کشیدگی کے سلسلے میں فریقین کو تحمل کی دعوت

مہر خبررساں ایجنسی کی رپورٹ کے مطابق اسلامی جمہوریہ ایران کی وزارت خارجہ کے ترجمان بہرام قاسمی  نے کشمیر میں حالیہ کشیدگی کے دوران ہلاکتوں پر افسوس کا اظہار کرتے ہوئے فریقین کو برداشت اور تحمل کی دعوت دی ہے۔ ایرانی وزارت خارجہ کے ترجمان نے کشمیری مسلمانوں کے مفادات کے تحفظ کے سلسلے میں ہر اقدام کی حمایت کرتے ہوئے کہا ہے کہ فریقین کی طرف سے کسی درخواست کی صورت میں ایران کشیدگی کم کرنے کے سلسلے میں اپنا مؤثر نقش ایفا کرنے کے لئے تیار ہے۔