سیؤل میں 10لاکھ سے زائد افراد نے صدر مخالف ریلی میں شرکت کی

مہر خبررساں ایجنسی نے فرانسیسی خبررساں ایجنسی  کے حوالے سے نقل کیا ہے کہ جنوبی کوریا کے دارالحکومت سیؤل میں 10لاکھ سے زائد افراد نے صدر مخالف ریلی میں شرکت کی اورایوان صدر کی جانب مارچ کیا۔ جنوبی کورین صدرپارک گیونہائ  سے استعفے کے مطالبے کیلئے لاکھوں افراد نے سیؤل میں کئی مقامات پر مختلف ریلیاں نکالیں ،جسے جنوبی کوریا کی 30 سالہ تاریخ کی اب تک کی سب سے بڑی ریلی کہا جا رہا ہے۔
سیؤل سمیت ملک کے دیگر شہروں سے بھی لوگ اس ریلی میں شرکت کیلئے آئے ہیں، حکومت نے کسی بھی ناخوشگوار صورتحال سے نمٹنے کیلئے 25 ہزار پولیس اہلکار تعینات کئے ہیں۔