مہر خبررساں ایجنسی نےڈیلی پاکستان کے حوالے سے نقل کیا ہے کہ پاکستانی فوج کے سربراہ جنرل راحیل شریف دہشتگردوں کے حملے کے بعد باچا خان یونیورسٹی پہنچ گئے ہیں جنہیں اپنے ساتھ دیکھ کر کمانڈوز بھی حیران رہ گئے۔ اطلاعات کے مطابق جنرل راحیل شریف پاک فوج کےہیلی کاپٹر کے ذریعے باچا خان یونیورسٹی پہنچے جہاں کور کمانڈر پشاور نے آرمی چیف کا استقبال کیا اس موقع پر آئی جی خیبر پختونخواہ، چیف سیکرٹری خیبر پختون خواہ اور دیگر اعلیٰ سول و فوجی حکام موجود ہیں۔ جنرل راحیل شریف چارسدہ یونیورسٹی کا دورہ کریں گے اور دہشتگردوں کے حملے کے بعد ہونے والے نقصانات کا جائزہ لیں گے۔ واضح رہے کہ باچاخان یونیورسٹی پر حملے کی ذمہ داری وہابی دہشت گرد تنظیم طالبان نے قبول کرلی ہے طالبان کے حملے میں کیمیکل پروفیسر سمیت 25 افراد جاں بحق جبکہ 60 سے زائد زخمی ہوگئے ہیں۔
پاکستانی فوج کے سربراہ جنرل راحیل شریف دہشتگردوں کے حملے کے بعد باچا خان یونیورسٹی پہنچ گئے ہیں جنہیں اپنے ساتھ دیکھ کر کمانڈوز بھی حیران رہ گئے ۔
News ID 1861211
آپ کا تبصرہ