چین کا جرمنی سے 100ایئر بسیں خریدنے کا معاہدہ

مہر خبررساں ایجنسی نے شنہوا کے حوالے سے نقل کیا ہے کہ جرمن چانسلر انجیلا مرکل جمعرات کو چین کے دورے پر پہنچی ہیں جہاں انہوں نے چینی وزیر اعظم لی کی چیانگ سے ملاقات کی۔ جرمن چانسلر کے ہمراہ 20 جرمن بزنس لیڈرزبھی چین پہنچے ہیں۔ مرکل کے اس دورے کا مقصد چین کے ساتھ جرمنی کے تجارتی تعلقات کو فروغ دینا ہے۔ اس موقع پر دونوں ممالک کے مابین کئی بلین ڈالر کے تجارتی معاہدوں پر دستخط بھی ہو گئے۔ ان میں چین کی طرف سے 100 ایئر بس طیارے خریدنے کا معاہدہ بھی شامل ہے جس کی مالیت 17 بلین ڈالر ہے۔