سعودیہ کی 2012 میں شامی حکومت گرانے کی کوشش

مہر خبررساں ایجنسی نے المنار کے حوالے سے نقل کیا ہے کہ ویکی لیکس نے سعودی عرب کی مسلمان ممالک کے خلاف معاندانہ پالیسیوں کا راز فاش کرتے ہوئے لکھا ہے کہ سعودی عرب نے 2012 میں شام میں بشار اسد کی حکومت کو گرانے کی ناکام کوشش کی اور سعودی عرب شام میں داعش دہشت گردوں  کو مدد فراہم کررہا ہے۔ اطلاعات کے مطابق سعودی عرب نے اس کام کے لئے ترکی، قطر اور سعودی عرب کے فوجیوں کی ایک ٹیم تشکیل دی  جنھیں دہشت گردوں کی تربیت اور شامی حکومت گرانے کا کام سوپا گیا۔ قطر، ترکی اور سعودی عرب کے فوجیوں نے شام میں آزاد سیرین فورس قائم کی اور ان کی تربیت کا ترکی اور اردن میں آغاز کیا 2012 میں شامی حکومت کے خلاف شدید مسلح جد وجہد شروع ہوئی جسے شامی حکومت نے عوامی مدد سے ناکام بنادیا۔