ایرانی سائنسدانوں نے دل کا دورہ تشخیص کرنے والا جدید طبی آلہ تیار کرلیا

مہر خبررساں ایجنسی کی رپورٹ کے مطابق، ایرانی سائنسدانوں نے نینو میڈیکل ٹیکنالوجی کی مدد سے Myocardial Infarction کی فوری اور مؤثر تشخیص کے لیے ایک ریپڈ ڈائیگنوسٹک کٹ تیار کرلیا ہے، جو اس وقت ملک کے متعدد ایمرجنسی یونٹس میں باقاعدہ استعمال ہو رہا ہے۔ اس کٹ کی ایجاد کے بعد بیرون ملک سے کٹ کی فراہمی کی ضرورت ختم اور سالانہ کئی ملین یوروز کی بچت ہورہی ہے۔

یہ کٹ "زیست‌تشخیص سنجه" نامی ایجوکیشنل بایومیڈیکل کمپنی نے تیار کیا ہے، جو 2017 سے میڈیکل بایوٹیکنالوجی کے میدان میں فعال ہے۔ کمپنی کے CEO ہادی باقری کے مطابق، یہ کٹ ٹریپونِن اور دیگر بایومارکرز کی بنیاد پر دل کی عضلاتی ساخت میں ہونے والی خرابی کو فوری طور پر شناخت کرنے کی صلاحیت رکھتا ہے، جو ایکیوٹ کارونری سنڈروم ACS کی بروقت تشخیص اور ابتدائی طبی اقدام کے لیے نہایت اہم ہے۔

یہ کٹ لٹریل فلو ایمیونویسی Lateral Flow Immunoassay پر مبنی ہے، جو جدید دنیا میں ریپڈ ٹیسٹنگ کا مستند اور قابل اعتماد طریقہ مانا جاتا ہے۔ اس کٹ کی حساسیت اور اختصاصیت  عالمی معیار کے برابر قرار دی جا رہی ہے۔ فی الحال اس کی سالانہ پیداوار 10 لاکھ یونٹس سے تجاوز کرچکی ہے۔

"زیست‌تشخیص سنجه" کمپنی نے نہ صرف کارڈیالوجی میں بلکہ گسٹرو انٹیرولوجی، آنکولوجی اور انفیکشن ڈیزیز کے شعبوں میں بھی کئی کامیاب کٹس تیار کیے ہیں۔ ان میں شامل ہیں:

کولوریکٹل کینسر کی اسکریننگ کٹ

پروکلسٹونین کٹ برائے تشخیص سیپٹیسیمیا و بیکٹیریئل انفیکشن

معدے کی تیزابیت و زخم کی شناخت کے لیے ہلیکوباکٹر پیلوری کیٹ

IBS بایومارکر کٹ

ان میں سے کئی مصنوعات وزارت صحت کے پروگراموں میں شامل ہوچکی ہیں، جن کے ذریعے لاکھوں افراد کی ابتدائی سطح پر اسکریننگ ممکن ہوئی ہے۔

کمپنی کی ایک اور بڑی پیشرفت based stool test kit ہے، جو آنتوں کے کینسر کی تشخیص کے لیے استعمال ہوتی ہے۔ یہ کٹ دنیا میں صرف دوسرا پیٹنٹ شدہ نمونہ ہے جسے امریکہ سے قانونی منظوری بھی حاصل ہوچکی ہے۔

یہ کٹس ISO 13485 جیسے بین الاقوامی معیار کے مطابق تیار کی گئی ہیں اور ایران کی فوڈ اینڈ ڈرگ آرگنائزیشن سمیت پانچ مختلف نینوسطحی اداروں سے سرٹیفکیٹ حاصل کرچکی ہیں۔ اس کمپنی نے نہ صرف مارکیٹ میں موجود غیر ملکی مصنوعات کا مؤثر مقابلہ کیا بلکہ اپنی مصنوعات کی قیمت میں اوسطا ۴۵ فیصد کمی کے ساتھ مارکیٹ شیئر بھی حاصل کیا۔

دل و معدہ کی بیماریوں کے ساتھ ساتھ، کمپنی نے ڈیری انڈسٹری کے لیے بھی ایک اہم تشخیصی کٹ تیار کی ہے، جو دودھ میں باقی رہنے والے اینٹی بایوٹکس کی مقدار کو ناپنے کے لیے استعمال ہوتی ہے۔ یہ کٹ پہلے درآمد کیا جاتی تھی اور سالانہ قریب 2 ملین ڈالر کا زرمبادلہ ملک سے باہر جاتا تھا، لیکن اب یہ مقامی طور پر دستیاب ہے۔

کمپنی کا منصوبہ ہے کہ وہ 2025 کے اختتام تک سالانہ پیداوار میں کئی گنا اضافہ کرے اور ساتھ ہی ساتھ عالمی مارکیٹ میں ایران کا طبی برانڈ قائم کرے۔

ہادی باقری کے مطابق  تحقیق و ترقی کی کوئی سرحد نہیں ہونی چاہیے۔ اگر ہم عالمی ماہرین اور اداروں سے سیکھیں اور ساتھ ہی اپنے نوجوان سائنسدانوں پر اعتماد کریں، تو نہ صرف خودکفالت ممکن ہے بلکہ ہم طبی دنیا میں بھی مقام پیدا کرسکتے ہیں۔