مہر خبررساں ایجنسی کی رپورٹ کے مطابق، کرملن کے ترجمان دمتری پسکوف نے اعلان کیا ہے کہ ایران کے رہبر معظم آیت اللہ سید علی خامنہ ای کے مشیر اعلی علی لاریجانی نے اتوار کے روز روسی صدر ولادیمیر پوٹن سے ماسکو میں ملاقات کی۔
پسکوف کے مطابق، یہ ملاقات کرملن میں انجام پائی جس میں دونوں رہنماؤں نے مشرق وسطی کی تازہ ترین صورتحال اور ایران کے جوہری پروگرام کے حوالے سے تبادلہ خیال کیا۔
روس کے سرکاری ترجمان نے کہا کہ صدر پوٹن نے اس ملاقات میں ایک بار پھر ایران کے جوہری مسئلے پر سیاسی حل کی اہمیت اور مشرق وسطی میں استحکام کی حمایت پر روس کے مؤقف کا اعادہ کیا۔
یہ ملاقات ایسے وقت میں ہوئی ہے جب خطے میں سیاسی اور سکیورٹی تبدیلیاں تیزی سے رونما ہو رہی ہیں، اور ایران و روس کے درمیان اسٹریٹجک تعاون میں مسلسل اضافہ ہو رہا ہے۔ اس تناظر میں علی لاریجانی کا یہ دورہ، ایران اور روس کے درمیان ہم آہنگی اور سفارتی تعاون کی ایک اہم کڑی سمجھا جا رہا ہے۔
آپ کا تبصرہ