القسام کے صیہونی فوجیوں پر حملے، چار فوجی ہلاک

مہر خبررساں ایجنسی نے الجزیرہ کے حوالے سے خبر دی ہے کہ حماس کی عسکری شاخ کی قسام بٹالین نے اطلاع دی ہے کہ ان بٹالین کے سنائپرز نے خان یونس کے مشرق میں 4 صہیونی فوجیوں کو براہ راست نشانہ بنایا۔

القسام نے قابض اسرائیلی فوجیوں کے ایک گروپ کو خان ​​یونس کے مشرق میں اینٹی پرسنل راکٹ اور آتشیں اسلحہ سے نشانہ بنایا ہے۔

دوسری جانب صیہونی حکومت کے ترجمان نے دعویٰ کیا: ہم نے غزہ میں 250 اہداف پر بمباری کی جب کہ غزہ میں فوج حماس کے ساتھ شدید لڑائی میں مصروف ہے۔ ہم چاہتے ہیں کہ یہ جنگ اس طرح ختم ہو کہ حماس اب ہمیں دھمکانے کے قابل نہ رہے جس کے لئے واحد حل اس تحریک پر زیادہ سے زیادہ دباؤ ڈالنا ہے۔