ہندوستان میں علیحدگی پسندوں کے خلاف آپریشن، 100 سے زیادہ افراد گرفتار

 مہر خبررساں ایجنسی نے بھارتی میڈیا سے نقل کیاہےکہ بھارتی پولیس نے علیحدگی پسند سکھ لیڈر امرت پال سنگھ کی گرفتاری کےلئے آپریشن شروع کر دیا ہے اور آج اس آپریشن کا دوسرا دن جاری ہے۔

میڈیا رپورٹ کے مطابق گزشتہ ماہ سکھ سردار نے اپنے ساتھیوں کے ہمراہ ایک پولیس اسٹیشن پر دھاوا بول دیا تھا جہاں پر اس کے ایک ساتھی کو رکھا گیا تھا۔

آپریشن کے دوران پنجاب پولیس نے اپنے بیان میں کہا ہے کہ اب تک 112 افراد کو گرفتار کیا گیا ہے۔

رپورٹ کے مطابق امرت پال سنگھ کے گاؤں جلپور کھیرا میں پولیس کی بھاری نفری تعنیات ہے اور امرت پال سنگھ کی گرفتاری کےلئے گھر گھر تلاشی جاری ہے، پولیس نے عوام سے کہا ہے کہ وہ افواہوں پر کان نہ دھریں۔

مقامی ہندوستانی میڈیا کی رپورٹ کے مطابق علاقے میں پیر کے دن تک انٹرنیٹ اور موبائل سروس معطل رہے گی۔یاد رہے کہ ہندوستان کے صوبہ پنجاب میں اس سے پہلے بھی سکھ علیحدگی پسندوں کے خلاف کئی مرتبہ آپریشن کئے جا چکےہیں۔