مہر خبررساں ایجنسی نے پاکستانی میڈیا کے حوالے سے نقل کیاہےکہ کراچی کے علاقے گلشن اقبال میں واقع اپارٹمنٹ کے گراؤنڈ فلور کے ایک فلیٹ میں آگ لگ گئی جس نے پورے فلیٹ کو لپیٹ میں لے لیا۔ آگ سے باپ، بیٹا اوربیٹی سمیت 5 افراد جھلس گئے۔زخمیوں کو ریسکیو کرکے سول اسپتال کے برنس وارڈ منتقل کیا گیا۔ فائربریگیڈ کی 2 گاڑیوں نے موقع پر پہنچ کر آگ پر قابو پایا۔
رسیکیو ورکرز کے مطابق آگ سے جھلسنے والوں میں طاہر رحمت ، ان کے دوبیٹے 22 سالہ طلحہ اور25 سالہ حمزہ، بیٹی 26 سالہ انکشا اور30 سالہ بسمہ سبحان شامل ہیں۔ پولیس کا کہنا ہے کہ ابتدائی طور پر آگ لگنے کی وجہ معلوم نہیں ہوسکی۔ آگ لگتے ہی علاقہ مکین گھروں سے نکل آئے اور اپنے طور پر آگ پر قابو پانے کی کوشش کی۔
آپ کا تبصرہ