جنرل باقری کا شام کے جنگی علاقوں کا دورہ

مہر خبررساں ایجنسی کے نامہ نگار کی رپورٹ کے مطابق اسلامی جمہوریہ ایران کی مسلح افواج کے چیف آف اسٹاف جنرل محمد حسین باقری شام کے دورے پر ہیں جہاں انھوں نے شام کے جنگی علاقوں کا دورہ کیا ہے۔ جنرل باقری نے اس موقع پر مدافع حرم سپاہ کی کامیابیوں پر انھیں مبارکباد پیش کرتے ہوئے کہا کہ فتح قریب ہے اور دہشت گردوں کا خاتمہ بھی بہت قریب پہنچ گیا ہے کیونکہ دہشت گردوں کو اب ان کے آقاؤں کی مدد میں کمی واقع ہوگئی ہے۔ جنرل باقری نے اس سے قبل شام کے صدر بشار اسد سے ملاقات اور گفتگو کی جس میں فوجی تعاون کو مضبوط بنانے پر تاکید کی گئی۔