امریکی ڈرون حملے کے نتیجے میں 3 افراد ہلاک

مہر خبررساں ایجنسی نے پاکستانی ذرائع کے حوالے سے نقل کیا ہے کہ افغانستان کے پاکستان سے متصل سرحدی علاقہ میں امریکی ڈرون حملے کے نتیجے میں 3 افراد ہلاک ہوگئے ہیں۔اطلاعات کے مطابق کرم ایجنسی سے متصل افغانستان کی سرحدی حدود میں امریکی ڈرون طیارے نے بعض مقامات کو نشانہ بنایا ہے جس کے نتیجے میں  3 افراد ہلاک ہوگئے ہیں، ہلاک ہونے والے افراد کی شناخت نہیں کی جاسکی۔ افغان پولیس حکام نے واقعے کی تصدیق کرتے ہوئے کہا ہے کہ حملے کے بعد بھی ڈرون طیارے کی پروازیں جاری ہیں۔واضح رہے کہ پاکستان اور افغانستان کے سرحد ی علاقوں میں دہشتگردوں کی محفوظ پناگاہیں موجود ہیں ۔