نائجیریا کے ایک چرچ میں فائرنگ سے 12 افراد ہلاک

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ افریقی ملک نائجیریا کے ایک چرچ میں نامعلوم افراد کی فائرنگ سے 12 افراد ہلاک اور 18 زخمی ہوگئے ہیں۔ اطلاعات کے مطابق جنوب مشرقی نائجیریا کے ایک چرچ میں نامعلوم مسلح افراد نے حملہ کردیا اور چرچ میں موجود لوگوں پر اندھا دھند فائرنگ کردی جس کے نتیجے میں 12 افراد ہلاک اور 18 زخمی ہوگئے۔ واقعہ اونیٹشا شہر کے قریبی علاقے اوزوبولو کے سینٹ فلپ چرچ میں پیش آیا۔ حکام کا کہنا ہے کہ  مقامی وقت کے مطابق صبح 6 بجے کے دوران چرچ پر حملہ کیا گیا جب لوگ عبادت میں مصروف تھے۔