ایمنسٹی انٹرنیشنل پر تنقید

جب داعش دہشت گرد، عراقیوں کا قتل عام کررہے تھے اس وقت آپ کہاں تھے؟

خبر آئی ڈی: 4029626 -
عراق کے وزیر اعظم حیدر العبادی نے ایمنسٹی انٹرنیشنل کے عراقی فورسز پر الزامات کو رد اور انھیں مخاطب کرتے ہوئے کہا ہے کہ جب داعش دہشت گرد، عراقی شہریوں کا قتل عام کررہے تھے اس وقت آپ کہاں تھے؟

مہر خبررساں ایجنسی نے اسپوٹنک کے حوالے سے نقل کیا ہے کہ عراق کے وزیر اعظم حیدر العبادی نے ایمنسٹی انٹرنیشنل کے عراقی فورسز پر الزامات کو رد اور انھیں مخاطب کرتے ہوئے کہا ہے کہ جب داعشی دہشت گرد، عراقیوں کا قتل عام کررہے تھے اس وقت آپ کہاں تھے؟

اطلاعات کے مطابق عراقی وزیر اعظم نے کابینہ کے اجلاس میں کہا کہ عراقی فوج نے اپنی جان ہتھیلیوں پر رکھ کر موصل میں انسانوں کی جان کو بچایا ہے ، جب داعشی عراقی شہریوں کا سر قلم کررہے تھے اور موصل کی ہر شئ کو تباہ کررہے تھے ایمنسٹی انٹرنیشنل اس وقت کہاں تھی؟  عراقی وزیر اعظم نے کہا کہ داعش کے بعض سرپرستوں کو موصل کی آزادی اچھی نہیں لگی ۔ عراقی وزیر اعظم نے کہا کہ عراقی عوام دہشت گردوں کو معاف نہیں کرےگی۔ واضح رہے کہ ایمنسٹی انٹرنیشنل نے حال ہی میں اپنی رپورٹ میں کہا تھا کہ عراقی فوجیوں نے موصل میں انسانی حقوق کی خلاف ورزی کی ہے۔

لیبلز

تبصرہ ارسال

6 + 9 =