انصار اللہ کی لبنانی صدر کو مبارک باد

مہر خبررساں ایجنسی  نے المسیرہ کے حوالے سے نقل کیا ہے کہ یمن کی اسلامی تنظیم انصار اللہ نے میشل عون کو لبنان کا صدر منتخب ہونے پر مبارک باد پیش کی ہے۔ اطلاعات کے مطابق یمن کی اسلامی تنظیم نے میشل عون کو صدر منتخب ہونے پر مبارکباد پیش کرتے ہوئے لبنانی قوم کی کامیابی کے لئے دعا کی ہے۔ واضح رہے کہ لبنانی پارلیمنٹ نے ڈھائی سال تک صدارتی عہدہ خالی رہنے کے بعد بالآخر حزب اللہ لبنان کے حمایت یافتہ صدارتی امیدوار میشل عون کو لبنان کا نیا صدر منتخب کرلیا ہے۔اطلاعات کے مطابق میشل عون  کو لبنان کی  پارلیمنٹ کی پہلے دور کی  ووٹنگ میں 127 میں سے 83 نمائندوں  نے ووٹ دیا  جبکہ دوسرے مرحلے میں میشل عون نے 127 ووٹوں میں سے 84 ووٹ  حاصل کرلئے حالانکہ دوسرے مرحلے میں صرف  65 ووٹوں سے بھی  وہ صدر منتخب ہوسکتے تھے ۔ حزب اللہ لبنان اور المستقبل پارٹی کے درمیان اتفاق کے بعد لبنان کے صدر کے انتخاب کی راہ ہموار ہوئی ۔