سلمان خان ہٹ اینڈ رن کیس میں تمام الزامات سے بری

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان میں ممبئی ہائیکورٹ نے بالی ووڈ اسٹار سلمان خان کو ہٹ اینڈ رن کیس میں تمام الزامات سے بری کردیا ہے۔عدالتی فیصلے میں کہا گیا ہے کہ استغاثہ الزامات ثابت کرنے میں ناکام رہا کہ سلمان خان نشے میں تھے اور عینی شاہدین کے بیانات رکارڈ پر نہیں لائے گئے۔
عدالت نےکیس میں ممبئی پولیس کی تحقیقاتی کارروائی پر بھی عدم اطمینان کا اظہار کیا ۔بھارتی میڈیا کے مطابق تفصیلی فیصلہ سلمان خان کے عدالت میں پیش ہونے پر سنایا جائے گا۔
سلمان خان پرنشے کی حالت میں ڈرائیونگ کے دوران فٹ پاتھ پر سوئے ہوئے ایک شخص کی ہلاکت کا الزام تھا ، ان پر یہ مقدمہ 2002سے چل رہاتھا۔