نائیجیریا میں بوکوحرام نے 100 سے زائد شہریوں کو ہلاک کردیا

مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ نائیجیریا کی سلفی وہابی دہشت گرد تنظیم بوکوحرام نے نائیجیریا اور کیمرون کی سرحد سے ملحقہ علاقے میں حملہ کرکے100 سے زائد شہریوں کو ہلاک اور 500کو زخمی کردیا جبکہ جھڑپوں میں 109 سلفی وہابی دہشت گرد  بھی مارے گئے ہیں۔کیمرون کے حکام کے مطابق بوکو حرام دہشت گردوں نے جمعہ کے روز صبح سویرے کیمرون کے سرحدی گائوں بوسو پر حملہ کیا اور نہتے شہریوں پر اندھا دھند فائرنگ کردی جس کے نتیجہ میں 100سے زائد شہری ہلاک اور 500کے قریب زخمی ہوگئے۔ صوبے دفاعہ کے گورنر یعقوبہ صمونہ گوف کے مطابق فوج نے بوکوحرام دہشت گرد سے مقابلہ شروع کردیا اور ایک گھنٹے کی لڑائی کے بعد انھیں پسپا ہونے پر مجبور کردیا۔فوج کی جوابی کارروائي میں بوکوحرام کے 109 دہشت گرد واصل جہنم ہوگئے۔